Կդատեն նախընտրական կեղծ խոստումների համար

Հունաստանի նախկին վարչապետ Յորգոս Պապանդրեուն կդատեն ընտրությունների նախօրեին երկրի տնտեսական իրադրության վերաբերյալ կեղծ հայտարարությունների և այն պնդումների համար, թե նախընտրական խոստումների կատարման համար բյուջեում «փող կա», հաղորդում է RIA Novosti-ն։ Պապանդրեուն վարչապետի պաշտոնը ստանձնել է 2009 – 2011 թվականներին: 2009 թվականի աշնանը Պապանդրեուն՝ որպես ՊԱՍՕԿ ձախ կենտրոնամետ կուսակցության առաջնորդ, հաղթել է ընտրություններում, որից հետո հայտարարել է, որ կառավարության նախկին ղեկավարները թաքցրել են բյուջեի պակասուրդի իսկական չափը: Դատարանում հայցը հարուցել է երրորդ կարգի պաշտոնաթող կապիտան Պանայոտիս Ստամատիսը, որը ՊԱՍՕԿ կուսակցության նախկին նախագահից պահանջում է վճարել 260 հազար եվրո գումարած տոկոսները՝ որպես փոխհատուցում: