Չեղյալ են հայտարարվել դասերը

Հունվարի 7-ին թուրքական Turkish Airlines ավիաընկերությունը հայտնել է ձյան տեսքով առատ տեղումների պատճառով Ստամբուլի Աթաթուրքի անվան օդանավակայանում 1400 չվերթի չեղարկման մասին, հաղորդում է РИА Новости-ն: Ձյան տեղումները Ստամբուլում շարունակվում են երրորդ օրն անընդմեջ: Anadolu գործակալության հաղորդմամբ` ձյան տեսքով առատ տեղումները Ստամբուլում բացասաբար են ազդում քաղաքի միլիոնավոր բնակիչների կյանքի վրա: Որոշ թաղամասերում ձյան շերտի բարձրությունը գերազանցել է 40 սանտիմետրը: NTV հեռուստաալիքի տվյալով՝ երեքշաբթի չեղարկվելու են նաև դասերը մի քանի համալսարաններում։