«Սառնարանում» նստելը բացահայտ ակնարկ է. Լապշինի խափանման միջոցն անփոփոխ կմնա

Մինսկի քաղաքային դատարանը չի փոխել Իսրայելի քաղաքացի, բլոգեր Ալեքսանդր Լապշինի խափանման միջոցը:Իսրայելի ու Ռուսաստանի քաղաքացի, 40-ամյա Ալեքսանդր Լապշինը ձերբակալվել է Մինսկում՝ կնոջ հետ Բելառուսի մայրաքաղաք այցելելու հաջորդ օրը: Փաստաբանը տեղեկացրել է, որ բելառուս իրավապահները բլոգերին ձերբակալել են Ադրբեջանի պահանջով, քանի որ 2011թ․ ապրիլին և 2012թ․ հոկտեմբերին Լապշինը այցելել էր Լեռնային Ղարաբաղ, այդ այցերի մասին գրառումներ էր արել իր բլոգում, ինչի հետևանքով հայտնվել է Ադրբեջանի «սև ցուցակում»: Ադրբեջանական դատախազությունը քրեական գործ էր հարուցել՝ տեղի քրեական օրենսգրքի 281.2 և 318.2 հոդվածների հատկանիշներով՝ Ադրբեջանի տարածքային ամբողջականության ոտնահարման հրապարակային կոչեր և երկրի քաղաքական սահմանը հատելիս անհրաժեշտ փաստաթղթերի բացակայություն: Բաքուն պահանջում է արտահանձնել բլոգերին: Ինչպես նշվում է՝ Լապշինը շարունակում է մնալ մեկուսարանում, որտեղ նրան պահում են խոնավ և ցուրտ խցում: Հունվարի 7-ին նրա ընկերուհին LiveJournal-ում գրառում է արել, ըստ որի նրան փորձում են հասցնել այն վիճակին, որ ինքնակամ ցանական իրեն հանձնեն Բաքու: «Պատասխանատու ընկերների այցը, հետո էլ «սառնարանում» նստելը բացահայտ ակնարկ է, որ՝ «մտածիր», արևոտ Բաքվում քեզ համար շատ ավելի տաք կլինի»,- գրել է նա՝ հվելելով. «Դուք փորձում ենք մարդուն հասցնել այնպիսի մի վիճակի, որում նա արդեն համաձայն կլինի ամեն ինչի՞: Որպես կանոն՝ թոքախտով տառապող մարդիկ դիմադրության համար ո՛չ բարոյական, ո՛չ ֆիզիկական ուժ չեն ունենում»: