Օբաման`պաշտոնում իր ընդունած ամենադժվարին որոշման մասին
2009- ի վերջին Աֆղանստան լրացուցիչ զորակազմ ուղարկելը եղել է «իմ ընդունած ամենադժվարին որոշումը»,ABC հեռուստաընկերությանը տված հարցազրույցում հայտնել է ԱՄՆ-ի նախագահ Բարաք Օբաման: «Ամենադժվարին որոշումը ես ընդունել եմ նախագահի պաշտոնում աշխատանքն սկսելիս, երբ կարգադրեցի եւս 30 հազար զինվոր ուղարկել Աֆղանստան, մինչդեռ ցանկանում էի վերջ դնել այլ երկրներում ամերիկացի զինվորականների ընդգրկուն ներկայությանը:Միշտ էլ սխալ եմ համարել ԱՄՆ-ի ռազմարշավն Իրաքում եւ գտնում էր, որ ուշադրությունը հարկավոր է կենտրոնացնել հենց Աֆղանստանի վրա: Կարծում եմ, որ դա ճիշտ որոշում էր, որովհետեւ այն ժամանակ «Թալիբանն» զգալիորեն ուժեղացել էր»,- ասել է նա:
Հետևեք մեզ Viber-ում
