Ասադը պատրաստ է մասնակցել Սիրիայի հարցով Աստանայի բանակցություններին
Սիրիայի նախագահ Բաշար Ասադը հայտարարել է սիրիական ճգնաժամի կարգավորման հարցով Աստանայում կայանալիք հանդիպմանը մասնակցելու պատրաստակամության մասին, հայտնում է սիրիական SANA գործակալությունը։ RIA Novosti-ի հաղորդմամբ՝ Ասադի խոսքով՝ բանակցությունների անցկացման հետ կապված «որևէ սահմանափակումներ չկան»: «Մենք, իհարկե, պատրաստ ենք, և հայտարարել ենք, որ այդ հանդիպման համար մեր պատվիրակությունը պատրաստ է մեկնել: Մենք պատրաստ ենք բանակցություններ վարել բոլոր հարցերի շուրջ: Երբ խոսքը Սիրիայում հակամարտության ավարտվելու վերաբերյալ բանակցությունների մասին է կամ Սիրիայի ապագայի մասին, մենք բոլորովին բաց ենք: Բանակցություններում սահմանափակումներ չկան․․․ Իմ դիրքորոշումը կապված է սահմանադրության հետ։ Այդ պատճառով, եթե նրանք ցանկանան քննարկել այդ հարցը, նրանք պետք է քննարկեն սահմանադրությունը»,- հայտարարել է Ասադը:
Հետևեք մեզ Viber-ում
