Գվարդիոլան պաշտպանել է
«Մամուլն անարդարացիորեն է քննադատում դարպասապահ Կլաուդիո Բրավոյին դարպասից դուրս գալու ժամանակ սխալ խաղի համար։ Բրավոն կարող է ամրապնդվել Անգլիայում։ Նա բավական խելացի է և Հարավային Ամերիկայում խաղի մեծ փորձ ունի, որտեղ հանդիպումներն անցկացվում են մեծ արագություններով և նույն կոշտ մաներայով։ Տեղափոխությունից հետո նա անմիջապես հասկացավ, որ դարպասից դուրս գալիս պետք է զգույշ լինի։ Նա կարիք չունի թերթեր կարդալ կամ լսել մարզչի այն դիտողությունները, թե այստեղ ամեն ինչ այլ է։ Նա գիտի, որ պետք է հարմարվի նոր պահանջներին։ Ես գիտեմ, որ լրագրողները կենտրոնացած են Կլաուդիոյի խաղի վրա, բայց ինչու՞ Բրավոն պետք է հարմարվի տեղական ոճին, իսկ մյուսները՝ ոչ։ Ես շատ դարպասապահներ եմ տեսել, ովքեր դարպասից դուրս գալիս նույնատիպ խնդիրներ են ունեցել, երբ տեղափոխվել են Անգլիա։ Բրավոն բացառություն չէ»,- ESPN-ի փոխանցմամբ նման կարծիք է հայտնել «Մանչեսթեր Սիթիի» գլխավոր մարզիչ Խոսե Գվարդիոլան:
Հետևեք մեզ Viber-ում
