Մոսկվան կկրճատի նավթի մատակարարումը Բելառուս

«Կոմերսանտ»-ը՝ վկայակոչելով իր աղբյուրներին գրում է,որ  Ռուսաստանի Էներգետիկայի նախարարությունը մտադիր է 2017թ․ առաջին եռամսյակում 12 տոկոսով կրճատել նավթի մատակարարումը Բելառուս, համաձայն գրաֆիկի, որը ներկայացվել է բելառուսական կողմին դեկտեմբերի 28-ին, մատակարարումների ծավալը կկազմի 4 մլն տոննա՝ պլանավորված 4.5 մլն-ի փոխարեն։ Ըստ  «Կոմերսանտի»,  որոշումը կայացվել է այն բանի պատճառով, որ կողմերին մինչև անցած տարեվերջ չի հաջողվել լուծել Մինսկի՝ գազի պարտքի վճարման խնդիրը։ Անցած շաբաթ Բելառուսի հակամենաշնորհային կարգավորման և առևտրի նախարարությունը որոշում էր կայացրել 7.7 տոկոսով բարձրացնել նավթի տարանցման սակագները խողովակատարերի համար՝ 1 տոննայի դիմաց 267,32 ռուբլուց սահմանելով 287,90 ռուբլի։ Նոր սակագները գործելու են փետրվարի 1-ից։