Հրաշքներ չեն լինում, և ես կախարդ չեմ.ՄԱԿ-ի նոր գլխավոր քարտուղար
Պորտուգալիայի նախկին վարչապետ Անտոնիո Գուտերեշը 2017թ. հունվարի 1-ից ստանձնել է ՄԱԿ-ի գլխավոր քարտուղարի պաշտոնը,ով կպաշտոնավարի մինչև 2021թ. դեկտեմբերի 31-ը։ ՄԱԿ-ի 9-րդ գլխավոր քարտուղարը կոչ է արել ՄԱԿ-ի առջև ծառացած խնդիրները լուծելիս իրենից հրաշքներ չակնկալել՝ նախազգուշացրելով , որ առջևում դժվար ժամանակաշրջան է, և ընդգծել է գլոբալ խնդիրների հավաքական լուծման անհրաժեշտությունը: «Աշխարհում աճում է փոխկապված հակամարտությունների թիվը, որոնք սնուցում են գլոբալ ահաբեկչությանը, շարունակվում է փախստականների ճգնաժամը: ՄԱԿ-ն իր ներկայիս տեսքով ի վիճակի չէ գլոբալ մարտահրավերներին արդյունավետորեն արձագանքել: Համաշխարհային կազմակերպությունում բարեփոխումներ են անհրաժեշտ, որոնք, ի թիվս այլ հարցերի, թույլ կտան ազատվել ավելորդ բյուրոկրատիայից: Հրաշքներ չեն լինում, և ես կախարդ չեմ: Դրված խնդիրներին հասնելու միակ ուղին միասին աշխատելն է»,ասել է նա և հավելել, որ հունվարի 9-ին ՄԱԿ աշխատակիցների ընդհանուր ժողով է անցկացնելու, որի ընթացքում կլսի նրանց առաջարկները և կազմակերպության աշխատանքին վերաբերող դժգոհությունները:
Հետևեք մեզ Viber-ում
