Թուրքիայում զրկել են լրագրողական քարտից՝ քրդերին պաշտպանելու համար Ամբողջական հոդվածը կա

Turkish Minute-ը գրում է,որ Թուրքիայի իշխանությունները խլել են Diken լրատվական պորտալի և Al-Monitor կայքի սյունայակագիր Ամբերին Զամանի լրագրողական քարտը՝ Նոր տարվա գիշերը Ստամբուլում գիշերային ակումբում տեղի ունեցած հարձակման վերաբերյալ Twitter-ում կատարված գրառման պատճառով՝պատճառաբանելով ,թե  նրա գրառումը հանգեցրել է հանրության բևեռացմանը՝ մարդկանց մղելով ատելության և թշնամության: Զամանը Twitter-ում գրել էր, որ Սիրիայի քրդերն ամենաարդյունավետ ուժն են «Իսլամական պետության» դեմ: Ստամբուլի ահաբեկչության պատասխանատվությունը ստանձնել է «Իսլամական պետությունը»: «Քանի դեռ YPG-ն (Ժողովրդական ինքնապաշտպանության ջոկատներ) և SDG-ն (Սիրիայի ժողովրդավարական ուժեր) ամենաարդյունավետ ուժն են ԻՇԻՊ-ի դեմ, ԱՄՆ-ը համագործակցում է նրանց հետ, բայց երբ դու բարձրաձայնում ես այդ մասին, քեզ վերաբերում են ինչպես «դավաճանի»: Հետաքրքիր է, արդյոք ԻՇԻՊ-ի դեմ ամենաարդյունավետ ուժերի՝ YPG-ի և SDG-ի վրա հարձակումները կշարունակվեն»,- գրել էր Զամանը,ինչից  հետո սոցցանցերում հարձակումների էր ենթարկվել իշխանամետ որոշ լրագրողների կողմից: