Թրամփը կկրճատի ԱՄՆ հատուկ ծառայությունների թվաքանակը

The Wall Street Journal-ը հայտնում է,որ  ԱՄՆ նորընտիր նախագահ Դոնալդ Թրամփը մտադիր է կրճատել ԿՀՎ կենտրոնական ապարատը, սակայն կավելացնի ողջ աշխարհում աշխատակիցների թիվը: «Թրամփի թիմի կարծիքով՝ հետախուզական աշխարհը դառնում է միանգամայն քաղաքականացված։ Նպատակը պետք է լինի այն, որպեսզի վերակազմավորի նրանց և այն, թե ինչպես են համագործակցում:Թրամփը պլանավորում է կրճատել ԿՀՎ-ի կենտրոնական ապարատի աշխատակիցների թիվն ու միաժամանակ ավելացնել այդ վարչության աշխատակիցների թիվը «տեղերում» ողջ աշխարհում»,- նշել է պարբերականի աղբյուրը։ Փոփոխությունների պլանների մշակմանը մասնակցում են Պենտագոնի հետախուզության նախկին ղեկավար Մայքլ Ֆլինը, որը Թրամփի վարչակազմում զբաղեցնելու է ազգային անվտանգության հարցերով խորհրդականի պաշտոնը, ինչպես նաև հանրապետական Մայք Պոմպեոն, որին Թրամփը ցանկանում է նշանակել ԿՀՎ ղեկավար։