Ամանորի գիշերը միգրանտները կանանց վրա են հարձակվել

Ավստրիայի Ինսբրուկ քաղաքում մի խումբ տղամարդիկ ամանորյա գիշերը սեռական ոտնձգության են ենթարկել բազմաթիվ կանանց: Այժմ ոստիկանությունը փնտրում է նրանց: Այս մասին հայտնում է Tiroler Tageszeitung-ը: Ոստիկանություն է դիմել 19 կին, որոնց մեծ մասը 19-ից մինչեւ 25 տարեկան է: Նրանք հայտարարել են Ինսբրուկի կենտրոնում 10 արտասահմանցիներից կազմված խմբի հարձակման մասին: Որոշ հարձակումներ նկարահանվել են տեսահսկման խցիկներով, սակայն ձայնագրության վատ որակի պատճառով առայժմ չի հաջողվել պարզել հարձակվողների ինքնությունը: