ՆԱՏՕ-ի ինքնաթիռը վտանգավոր հեռավորության վրա մոտեցել է ռուսական ուղևորատար օդանավին

Ինչպես հայտնում է gazeta.ru-ն՝ Սախալինից Կուրիլյան կղզիներ թռչող ռուսական ուղևորատար ինքնաթիռը ստիպված է եղել արտակարգ ռեժիմով նվազեցնել բարձրությունն օտարերկրյա օդանավի հետ բախումից խուսափելու համար: «Ռուսական Bombardier ուղևորատար օդանավն անցած գիշեր դուրս է եկել Սախալինից ու, 6.000 մ բարձրություն հավաքելով, ուղղություն վերցրել դեպի Կուրիլյան կղզիներ: Սակայն դիսպետչերները նկատել են նույն բարձրության վրա գտնվող ու օդանավին մոտեցող անհայտ ինքնաթիռ, որը չէր պատասխանում ցամաքից ուղարկված հարցումներին»,-պատմել է աղբյուրը: ինչպես հաղորդվում է՝ ռուսական կողմին հաջողվել է ֆիքսել անհայտ ինքնաթիռի ռադիոտեղորոշիչ ինքնապատասխանիչի ազդակը, որը վերաբերում է ՆԱՏՕ-ի օդանավերին: