Միջազգային պարբերականները Մխիթարյանի մասին

Միջազգային զանգվածային լրատվամիջոցներին մեծ զարմանք է պատճառել Հենրիխ Մխիթարյանի անվան բացակայությունը Հայաստանի 10 լավագույն մարզիկների ցուցակում:Daily Mail անգլիական պարբերականը գրում է. «Մխիթարյանը Սուրբ ծննդյան տոներին «Մանչեսթեր Յունայթեդ»-ի կարևոր անձն է, սակայն չի հայտնվել Հայաստանի 10 լավագույն մարզիկների շարքում»: «Սանդերլենդ»-ի դեմ խաղում հայ կիսապաշտպանը փայլեց, բայց հայրենի երկրում լավագույնների ցանկում բացակայում է: «Լավագույնը օլիմպիական չեմպիոն Արթուր Ալեքսանյանն է: Իսկ Մխիթարյանը, ով Դորտմունդից տեղափոխվեց Անգլիա՝ 26 միլիոն ֆունտով, երբեք չի էլ եղել նրանց շարքում»: «Foxsport»-ը ևս անդրադարձել է Մխիթարյանի բացակայությանը՝ մեջբերելով Հայաստանի ֆուտբոլի ֆեդերացիայի նախագահ Ռուբեն Հայրապետյանի խոսքը. «Զուրկ է բարոյականությունից նաև այն, որ նույն քվեարկությանը մասնակցած մարզական լրագրողների գերակշիռ մեծամասնությունը իրենց պրոֆեսիոնալ «բիզնեսն» ամեն Աստծո օր սկսում են ֆուտբոլով, Հենրիխ Մխիթարյանով և ավարտում ֆուտբոլով՝ նույն Հենրիխ Մխիթարյանով: Եվ հենց նույն «բարոյականությամբ» էլ նման լրագրողներն իրավունք չունեն պահանջելու ֆուտբոլային հավատարմագրում կամ հարցազրույց՝ նույն Հ ենրիխ Մխիթարյանից»: