Իրաքցի զինվորականներն ազատագրել են Մոսուլի մեծ մասը

Իրաքցի զինվորականները ԴԱԻՇ-ի ահաբեկիչներից ազատագրել են Մոսուլի և քաղաքի արվարձանների մեծ մասը։ Ինչպես հայտնում է RIA Novosti-ն, այս մասին հայտարարել է Իրաքի ԱԳՆ ղեկավար Իբրահիմ ալ-Ջաաֆարին։«Այժմ Մոսուլի մեծ մասը, ինչպես նա դրա շրջակայքը, որոնք մտնում են Նայնավա նահանգի մեջ, ազատագրված են։ Ընդհանուր առմամբ 60 շրջաններից 45-ը»,-հայտարարել է նախարարը։ Ալ-Ջաաֆարին նաև նշել է, որ ԴԱԻՇ-ի զինյալները մեծ ֆինանսական աջակցություն են ստանում։ Մոսուլի ազատագրման գործողությունը, որը 2014 թվականից գտնվում է ԴԱԻՇ ահաբեկչական խմբավորման վերահսկողություն ներքո, մեկնարկել է 2016թ․ հոկտեմբերի 17-ին։