Լևոն Տեր-Պետրոսյանի ելույթի միակ նոր և լավ բանը

Այսօր Հայելի ակումբում, լրագրողների հարցին ի պատասխան, ԱԺ ՀՅԴ խմբակցության քարտուղար Աղվան Վարդանյանը նշեց, որ իր համար ՀՀ առաջին նախագահ Լևոն Տեր-Պետրոսյանի ելույթում որևէ նոր բան չկար։ Ինչպես ասաց իրենց տեսակետն առաջին նախագահի վերաբերյան  մնում է նույնը, և դա իրենք ներկայացրել են նաև Լևոն Տեր-Պետրոսյանի ելույթից հետո: «Միակ նոր բանը և լավ բանը վերջին նախադասությունն էր, որ մեր մեծագույն հպարտությունը Հենրիկ Մխիթարյանն է: Մենք ունենք հնարավորություն, մեր ներքին ռեսուրսները մոբիլիզացնելու մեծ ներուժ, ունենք մեր համազգային էներգիան կուտակելու ներուժ և կարող ենք, ուղղակի պարտավոր ենք մեր ներսի խնդիրներն ինքներս լուծել և հզորացնել մեր անվտանգությունը»,- նշեց նա: