Թուրքիայում ծեծել են լրագրողի՝ «հայի ծնունդ» ասելով

Ինչպես հաղորդում է «Ջումհուրիյեթ» թերթը,  Թուրքիայում շարունակվում են ընդդիմադիր ԶԼՄ-ների լրագրողների ձերբակալությունները և նրանց հանդեպ բռնաճնշումները։ Հատուկ ջոկատայինները ուժ են կիրառել «Դիհաբեր» կայքի խմբագիր Չելիքի, վերջինիս կնոջ և մոր նկատմամբ։ Տեղեկատվության համաձայն՝ ոստիկանները ծեծել են Չելիքին՝ անվանելով «հայի ծնունդ»։ ««Դու լուրեր ես գրում, հա՞: Դե հիմա գրիր տեսնենք, դուք հայի ծնունդներ եք, դե գրիր տեսնենք», – ասել են հատուկջոկատայիններն և հարվածել խմբագրին: Ոստիկաններից մեկն էլ ատրճանակը դրել է Չելիքի մոր ճակատին և ասել․ «Ինչո՞ւ տղայիդ լրագրող դարձրիր։ Ինչո՞ւ նման բան թույլ տվեցիր»։