Արտակարգ դեպք Արարատ գյուղում. ընտանիքի 5 անդամներ,մանկահասակ երեխաներ, տեղափոխվել են տեղի հիվանդանոց

Քիչ առաջ Արարատի բժշկական կենտրոն են տեղափոխվել 5 քաղաքացի։ Ինչպես հայտնում է ֆոտոլրագրող Գագիկ Շամշյանը, նրանք են՝ Արարատի մարզի Արարատ գյուղի Խնկո Ապոր փողոցի փողոցի 17 տան բնակիչներ, 76-ամյա Մարինկա Մարկոսյանը, 31-ամյա Ալինա Անտոնյանը, 51-ամյա Անժելա Մարկոսյանը, 9-ամյա Կարո Ստեփանյանը և 11-ամյա Վազգեն Ստեփանյանը։ Վերջիններս հիվանդանոց են տեղափոխվել թունավորման ախտանիշներով։ Նշված հասցե են ժամանել ոստիկանության Արարատի բաժնի օպերատիվ խումբը՝ հետաքննիչի գլխավորությամբ։ Թե ինչն է եղել թունավորման պատճառը, դա պարզ կլինի մի շարք փորձաքննությունների արդյունքները հայտնի լինելուց հետո։ Հիվանդանոցից ֆոտոլրագրողին հայտնել են, որ նրանց կյանքին ու առողջությանը վտանգ չի սպառնում։