ԱԺ-ն վավերացրեց վարկային համաձայնագրեր. արտահերթ նստաշրջանն ավարտվեց

Ազգային ժողովն այսօր շարունակեց արտահերթ նիստը՝ քվեարկության դնելով մի շարք քննարկված նախագծեր: Քվեարկության դրվեցին միջազգային պայմանագրերի վավերացման հարցերը, ըստ որի՝ ՀՀ կառավարության և Զարգացման ֆրանսիական գործակալության միջև վարկային համաձայնագիրը վավերացնելու հարցն ընդունվեց 78 կողմ, 24 դեմ և 2 ձեռնպահ հարաբերակցությամբ: Այս համաձայնագրով ՀՀ-ն 40 միլիոն եվրո վարկ է վերցնում: Քվեարկության դրվեց նաև ՀՀ-ի և Զարգացման և վերակառուցման միջազգային բանկի միջև 2016 թվականի դեկտեմբերի 9-ին ստորագրված «Զարգացման քաղաքականության 4-րդ վարկ» վարկային համաձայնագիրը, որը ընդունվեց 78 կողմ, 23 դեմ, 3 ձեռնպահ հարաբերակցությամբ: