Չավուշօղլուն չեղարկել է այցը Ուկրաինա

РИА Новости-իի փոխանցմամբ, Թուրքիայի արտգործնախարարության ներկայացուցիչը հայտնել է,որ  Թուրքիայի արտգործնախարար Մևլութ Չավուշօղլուն չեղարկել է դեկտեմբերի 20-21-ն Ուկրաինա կայանալիք այցը՝ Անկարայում Ռուսաստանի դեսպան Անդրեյ Կառլովի սպանության պատճառով։ «Նախօրեին Անկարայում տեղի ունեցած ողբերգական իրադարձության պատճառով մեր նախարարը չեղարկել է իր պլանավորած այցը Ուկրաինա։ Այցը տեղափոխվել է ավելի ուշ ժամկետ․ դեռևս անհայտ է՝ այն երբ կկայանա», - ասել է նա: Նշենք, որ Չավուշօղլուն մտադիր է եղել դեկտեմբերի 20-21 այց կատարել Ուկրաինա՝ թուրք-ուկրաինական համագործակցության խորհրդի նիստի շրջանակներում։