Թուրքիայում ահաբեկչության գործով կան ձերբակալվածներ

Ինչպես հաղորդում է ТАСС-ը՝ Reuters-ի հղումով, Թուրքիայի վարչապետ Բինալի Յըլդըրըմը նշել է, որ քաղաքում գործողությունը իրականացրել է մահապարտ-ահաբեկիչը:«Թուրքիան մի քանի ահաբեկչական խմբավորումների կողմից գտնվում է ընդհանուր հարվածի տակ»,- նշել է նա: Թուրքիայի ՆԳՆ ղեկավար Սուլեյման Սոյլուն հայտարարել է, որ 7 մարդ է ձերբակալվել Կայսերի քաղաքում պայթյունի հետ կապված: Այս մասին հայտնում է Reuters-ը: Ավելի վաղ Թուրքիայի Գլխավոր շտաբը հայտնել էր, որ զինվորականների տեղափոխող ավտոբուսի մոտ պայթեցված ավտոմեքենան խլել է 13 զինվորի կյանք, վնասվածքներ պատճառել 55-ին։