Պալմիրայում ռուս զինվորների սպառազինությունը ԴԱԻՇ-ի ձեռքո՞ւմ

The Washington Post-ի փոխանցմամբ, ԴԱԻՇ ահաբեկչական խմբավորման գրոհայինները կարող են հասանելիություն ստացած լինել հզոր սպառազինության՝ Պալմիրայից սիրիական բանակի նահանջից հետո։ Amaq գործակալությունը, որը համագործակցում է ահաբեկիչների հետ, հրապարակել է լուսանկարներ և տեսանյութեր, որոնց հիման վրա կարելի է հաստատել այն մասին, որ ահաբեկիչներն իրենց տրամադրության տակ են առել զինամթերք, զրահատեխնիկա, այդ թվում ծանր գնդացիրներ, հրետանային և զենիթային զենքեր։ Դրանցից օգտվել են ինչպես ռուս, այնպես էլ սիրիացի զինվորականները։