Թուրքիայում զանգվածային ձերբակալություններ են

Թուրքիայի ՆԳՆ-ն տեղեկացնում է,որ  Թուրքիայում արգելված քրդական կազմակերպությունների հետ համագործակցության մեջ կասկածվող շուրջ 600 մարդ է ձերբակալվել վերջին երկու օրվա ընթացքում: «Ահաբեկչական կազմակերպությունների դեմ պայքարի շրջանակներում տամբուլում, Անկարայում, Իզմիրում եւ այլ նահանգներում թվով 28  նահանգում անցկացված գործողությունների արդյունքում դեկտեմբերի 12-ին եւ 13-ին 568 մարդ է ձերբակալվել»,- ասվում է հայտարարության մեջ: Հիշեցնենք, որ Թուրքիայում զանգվածային ձերբակալությունները սկսվել են Ստամբուլի Vodafon Arena մարզադաշտի մոտակայքում դեկտեմբերի 10-ի երեկոյան ոստիկանների դեմ իրականացված հարձակումներից հետո: Դեկտեմբերի 12-ին ձերբակալվել է քրդական «Ժողովուրդների դեմոկրատական կուսակցության» ավելի քան 100 անդամ:  Թուրքիայի առաջնության 14-րդ տուրի շրջանակներում շաբաթ երեկոյան կայացած «Բեշիքթաշ»-«Բուրսասփոր» հանդիպումից (2։1) հետո մարզադաշտի հարակից տարածքում տեղի է ունեցել երկու պայթյուն: Դրանց հետեւանքով 44 մարդ է մահացել: