ԲՀԿ-ի ներսում կռիվ է ընկել

Մամուլում շրջանառվում էր, որ շուտով Վարդան Օսկանյանը կհայտարարի նոր կուսակցություն ստեղծելու մասին։ ԲՀԿ կուսակցության ղեկավար Նաիռա Զոհրաբյանից լրագրողները հետաքրքվեցին արդյոք տեղյակ է, որ Վարդան Օսկանյանը կուսակցություն է բացելու. «Առաջին անգամ եմ լսում, որ նա պատրաստվում է կուսկացություն բացել, ինձ համար մեկ հավաստի աղբյուր կարող է լինել` անձամբ Վարդան Օսկանյանը, ում հետ այսօր առավոտյան եմ զրուցել և նա ինձ ոչինչ չի ասել»,-երեկ,ԱԺ-ում լրագրողների հետ զրույցում , անդրադառնալով մամուլում տարածված տեղեկատվությանը, ըստ որի Վարդան Օսկանյանը շուտով հայտարարելու է նոր կուսակցություն բացելու մասին,ասաց ԲՀԿ խմբակցության ղեկավար Նաիրա Զոհրաբյանը: Լրագրողի դիտարկմանը, թե որոշ տեղեկությունների համաձայն` կուսակցության կորիզը կկազմեն Երվանդ Բոզոյանը, Անդրանիկ Թևանյանը, Վիկտոր Սողոմոնյանը, ԲՀԿ-ի պրոքոչարյանական թևը, այդ թվում՝ Ստեփան Մարգարյանը` Զոհրաբյանը արձագանքեց. «Ստեփան Մարգարյանը մեր կուսկացության անդամ չէ, չեմ կարող ասել, թե նա ինչ որոշում է կայացրել, այդ հարցով կարղ եք իրեն դիմել»: Անդրադառնալով այն լուրերին, թե ԲՀԿ-ի ներսում կռիվ է ընկել, մի մասը ցանկանում է միանալ կոլաիցիային, իսկ մի մասը` ոչ Նաիրա Զոհրաբյանը ասաց. «Իրականությանը չի համապատասխանում, քաղաքականության մեջ Կիկոսի մահը ժանրը ինձ համար ընդունելի չէ , Բարգավաճ Հայաստանին կոալիցա կազմելու առաջարկ չի եղել, եթե լիներ անպայման; կքննարկեինք: Չնայած եղել են խոսակցություններ, որ գուցե իմաստ ունի համագործակցության որևէ տարբերակ ընտրել , այդ տարբերակին կողմ և դեմ լինողներ եղել են, բայց որևէ վեճ, կամ այն, որ ԲՀԿ-ի տունը կռվ է ընկել նման բան չկա: Կրկնում եմ կոալիցիայի վերաբերյալ լուրջ քննարկում չի եղել, քանի որ նմանատիպ առաջարկ չի եղել»,-եզրափակեց Նաիրա Զոհրաբյանը: Աստղիկ Ավագյան