Charlie Hebdo-ի վրա հարձակմանը մասնակցած ԴԱԻՇ-ի պարագլխին ոչնչացրել են/տեսաշար/

Reuters գործակալությունը՝ հղում անելով Պենտագոնի ներկայացուցչին հայտնում է,որ ամերիկյան օդուժը Սիրիայում ոչնչացրել է ԴԱԻՇ ահաբեկչական խմբավորման պարագլուխներից մեկին՝ Բուբաքեր ալ-Հակիմին, ով մասնակցել է 2015 թվականի հունվարին ֆրանսիական Charlie Hebdo երգիծական շաբաթաթերթի խմբագրության վրա հարձակմանը։ Ծայրահեղականը ոչնչացվել է նոյեմբերի վերջին, Ռաքքայում՝ ավիահարվածի արդյունքում։ Ենթադրվում է, որ 33-ամյա ահաբեկիչը ֆրանսիացի է՝ ծագումով Թունիսից,ասված էն հայտարարության մեջ: Հայտնի է, որ նա Փարիզում զբաղվել է մուսուլմանների հավաքագրմամբ՝ հանրապետությունում ռազմական գործողությունների իրականացման համար։ 2008 թվականին նա ձերբակալվել է Սիրիայում, իսկ նույն թվականի մայիսին Ֆրանսիայի դատարանը նրան դատապարտել է 7 տարվա ազատազրկման։ Նա ազատ է արձակվել 2011 թվականի սկզբին, որից հետո ուղևորվել Թունիս, որտեղ ստանձնել է տեղացի երկու քաղաքական գործիչների սպանությունը։