ԱԺ-ն երկրորդ ընթերցմամբ ընդունեց 2017-ի պետբյուջեի մասին օրենքի նախագիծը

Խորհրդարանը 83 կողմ, 24 դեմ և 1 ձեռնպահ ձայների հարաբերակցությամբ առաջին ընթերցմամբ ընդունեց «ՀՀ 2017 թվականի պետբյուջեի մասին» օրենքի նախագիծը։ Նախագծով 2017-ին կանխատեսվում է 3,2 տոկոս տնտեսական իրական աճ։ Ակնկալվում է, որ բյուջեի եկամուտները և պաշտոնական տրանսֆերտները ՀՆԱ-ի մեջ կլինեն 22,4 տոկոս, բյուջեի պակասուրդը կկազմի 150 մլրդ դրամ: 2017 թվականին ևս եկամուտների հիմնական մասը կկազմեն հարկային եկամուտները: Պետբյուջեի եկամտային մասը կկազմի 1 տրիլիոն 210 մլրդ դրամ, ծախսային մասը՝ 1 տրիլիոն 360 մլրդ դրամ, պակասուրդը՝ 150 մլրդ դրամ: Չենք կարող կիսել բյուջեի նկատմամբ քաղաքականությունը և ԲՀԿ խմբակցության պատգամավորները հստակ դեմ են քվեարկելու բյուջեին»: ԲՀԿ խմբակցության անդամ Տիգրան Ուրիխանյանը նշեց, որ ՀՀ կառավարությունը չի էլ մասնակցում իր բերած բյուջեի քաղաքականությանը. «Վերաբերմունքը ծնում է վերաբերմունք: Առաջարկում եմ դրայվով դեմ քվեարկել, քանի որ չի արտահայտում քաղաքացիների սպասումները»: ՀԱԿ խմբակցության ղեկավար Լևոն Զուրաբյանը նշեց, որ ՀԱԿ-ը դեմ է քվեարկելու բյուջեին և փաստարկներ բերեց. «Կառավարության բացակայությունն ապացույցն է, որ Կառավարությունը խոստովանում է՝ ի վիճակի չէ զարգացնել երկիրը»: ԱԺ նախագահ Գալուստ Սահակյանը նշեց, թե 25 տարի նույն վիճակն է, և Կառավարության ներկայացուցիչները ստիպված են բացակայել: ՕԵԿ խմբակցության պատգամավոր Հեղինե Բիշարյանը ևս կոչ արեց դեմ քվերակել նախագծին։