Մոսուլի ազատագրումը դեռ չի նշմարվում

Reuters լրատվական գործակալության փոխանցմամբ՝ Իրաքում ԱՄՆ զորքերի հրամանատար, գեներալ-լեյտենանը Սթիվեն Թաունսենդը հայտարարել է,որ  Իրաքի Մոսուլ քաղաքը ԴԱԻՇ-ից ազատագրելու գործողությունը կտևի ևս երկու ամիս։ Մոսուլում իրավիճակը շարունակում է մնալ ծանր, քանի որ հարկադրված են ռազմական գործողությունները վարել փողոցների բարդ դասավորվածությամբ խոշոր քաղաքում։Չնայած ռազմական պարտությանը՝ ԴԱԻՇ-ը նախկինի նման մեծ վտանգ է ներկայացնելու Իրաքի ու Արևմուտքի երկրների համար,-ասել է նա: Մոսուլն արդեն ավելի քան երկու տարի է, ինչ գտնվում է ԴԱԻՇ-ի զինյալների վերահսկողության ներքո։ Քաղաքի վրա գրոհողների ընդհանուր թիվը հասնում է 100.000-ի։ Խոսքը Իրաքի բանակի, քրդական Փեշմերգայի ու շիա աշխարհազորայինների մասին է։