Սիրիական բանակն ազատագրել է արևելյան Հալեպի տասնյակ թաղամասեր

Ներկա պահի դրությամբ սիրիական զորքերի լիակատար հսկողության տակ է անցել արևելյան Հալեպի 47 թաղամաս, իսկ չորեքշաբթի օրը բանակն ազատագրել է ևս 2 թաղամաս: Այս մասին հաղորդում է РИА Новости-ն` հղում անելով Սիրիայում հակամարտող կողմերի հաշտեցման ռուսական կենտրոնին: «Սիրիական զորքերի լիակատար հսկողության տակ ներկա պահի դրությամբ անցել է արևելյան Հալեպի 47 թաղամաս, որոնք ավելի վաղ հսկել են գրոհայինները: Դեկտեմբերի 7-ին սիրիական զորքերը գրոհայիններից ազատագրել են արևելյան Հալեպի ևս երկու թաղամաս, ինչպես նաև զբաղեցրել Շեյխ Լուֆտի թաղամասի հրամանատարական բարձունքը», - ասվում է հաղորդագրության մեջ: