Աչքը կուշտ լինելու հատկությունը «կաշիլյոկի» հարստությունից եւ փողի քանակից չէ. վարչապետը` իր թիմի մասին

ՀՀ վարչապետ Կարեն Կարապետյանը լրատվամիջոցների հետ հանդիպման ժամանակ նշեց, որ իր թիմն ընտրելուց ընտրել է հիմնականում այն մարդկանց, որոնք բարոյական կերպար ունեն, պաշտոնը չեն  օգտագործի անձնական հարստացման համար, իսկ եթե այդպես չլինի առաջինն ինքը  կնախատի և «դեմը կառնի»: «Թիմ ընտրելուց ընտրում եմ այն մարդկանց, ովքեր իմ հետ ճանապարհ են անցել: Թիմ ընտրելու ժամանակ ես բազմաթիվ պրոբլեմներ եմ ունեցել: Կան մարդիկ, որոնց ես որոշակի ավանսով եմ նշանակել, քանի որ այդ պահին ավելի լավ թեկնածու չեմ ունեցել: Ցավոք սրտի մենք պետք է ֆիքսենք, որ մեր կադրերի պահեստային հարթակը այնքան էլ մեծ չէ»,-ասաց նա և նշեց, որ եթե կան ավելի լավ կադրեր, որոնք որոշակի ոլորտներ կարող են կառավարել, շնորհակալ կլինի, եթե խորհուրդ տան։