Ասադը Սիրիայի պետբյուջեն ընդլայնել է ավելի քան 1/3-ով

SANA գործակալությունը հայտնում է,որ  Սիրիայի նախագահ Բաշար Ասադը կիրակի ստորագրել է դաշնային օրենք 2017 թվականին 2660 մլրդ սիրիական ֆունտի չափով (մոտ 5.1 մլրդ դոլար) երկրի բյուջեի մասին։ Ինչպես այդ առիթով հայտարարել է երկրի ֆինանսների նախարար Մաամուն Համդանը՝ բյուջեի ծավալը հաջորդ տարի կաճի ավելի քան 34 տոկոսով: Գերատեսչության ղեկավարի խոսքով՝ համապատասխան օրենքի մշակումն անցկացվել է բացառիկ պայմաններում, որոնց բախվել է Սիրիան։ Համդանը վստահեցրել է, որ իր նախարարությունը կաշխատի 2017-ի բյուջեի կատարման վերահսկողության ուժեղացման վրա՝ համապատասխան գերատեսչությունների հետ համակարգմամբ, ինչպես նաև վարչական ծախսերի օպտիմալացմամբ։