Վաղ է թուլացնել ՌԴ-ի դեմ ուղղված պատժամիջոցները․ Շտայնմայեր

ԻՆչպես հաղորդում է Deutsche Welle-ի ուկրաինական ծառայությունը,  Գերմանիայի ԱԳ նախարար Ֆրանկ-Վալտեր Շտայնմայերը Funke գերմանական պարբերականին տված հարցազրույցի ժամանակ հայտարարել է,որ  Եվրամիությունն էական քայլեր չի տեսնում Ռուսաստանի կողմից Մինսկի պայմանավորվածությունների իրագործման ուղղությամբ, ուստի ժամանակավրեպ է խոսել պատժամիջոցների թուլացման մասին։ «Կրակի դադարեցման ռեժիմը խախտվում է, մենք առաջ չենք շարժվել նաև խոշոր քաղաքական հարցերում:Երբ Ռուսաստանը նկատելի քայլեր կանի՝ ուղղված Մինսկի պայմանավորվածությունների իրագործմանը, այդ ժամանակ, հնարավոր է, ԵՄ-ն մտածի պատժամիջոցները փոփոխելու մասին»,- ընգծել է նախարարը և հավելել, որ Եվրամիությունը չի ճանաչում Ղրիմի բռնակցումը։