«Եվրատեսիլ-2017»-ը կարող է տեղափոխվել Մոսկվա

«Եվրատեսիլ» երգի մրցույթի կազմակերպիչները ցանկանում են 2017 թվականին միջազգային մրցույթի անցկացման վայրը տեղափոխել, քանի որ միջոցառումն ընդունելու հարցում Կիևը դեռ պատրաստ չէ: Այս մասին հայտնել է գերմանական Bild տաբլոիդը՝ հղում անելով կազմկոմիտեի աղբյուրին, որի խոսքով՝ բանակցությունների փաստը դեռևս չի նշանակում միջոցառման տեղափոխում այլ երկիր։ Կիևը մինչ օրս չի ներկայացրել մրցույթի անցկացման ֆինանսական երաշխիքներ։ Հայտնի է, որ դրա կազմակերպման համար անհրաժեշտ է մոտ 20 մլն եվրո։ Ավելի վաղ հաղորդվել էր, որ մրցույթի եզրափակիչ փուլը տեղի կունենա Կիևում, մայիսի 13-ին։