Կիեւում փոխհրաձգություն է տեղի ունեցել ոստիկանության եւ անվտանգության պահպանության ծառայության միջեւ

Կիեւի մերձակայքում ոստիկանության եւ անվտանգության պահպանության պետական ծառայության աշխատակիցների միջեւ փոխհրաձգություն է տեղի ունեցել: Այս մասին գրում է «Ուկրաինսկայա պրավդա»-ն: Ուկրաինայի ՆԳՆ Կոլեգիայի անդամ Անտոն Գերաշչենկոյի խոսքով՝ ոստիկանների խումբը թաքնվել է տներից մեկի հարեւանությամբ՝ փորձելով հասկանալ իրադրությունը եւ հանցագործներին ձերբակալելու հրաման տալ: Դեպքի վայր ժամանած Անվտանգության պահպանության պետական ծառայության աշխատակիցները, առանց հասկանալու իրադրությունը, փոխհրաձգություն են սկսել ոստիկանների հետ: