Սաուդյան Արաբիան, Կատարը, Թուրքիան ու ԱՄԷ-ն կոչ են արել Հալեպի հարցը քննարկել ՄԱԿ ԳԱ-ում

Սաուդյան Արաբիան, Քաթարն ու Թուրքիան կոչ են արել կիրակի օրը ՄԱԿ-ի Գլխավոր ասամբլեայի արտակարգ նիստ հրավիրել Հալեպի հարցով, հայտնում է «Ալ Ջազիրան»՝ վկայակոչելով երեք երկրների համատեղ հայտարարությանը: Ավելի վաղ հաղորդվել էր, որ Սիրիայի կառավարական զորքերը Հալեպ քաղաքում ընդդիմադիր խմբավորումներին դուրս են մղել նրանց զբաղեցրած արևելյան թաղամասերի գրեթե կեսից։ Սաուդյան Արաբիան, Կատարը, Թուրքիան ու ԱՄԷ-ն էլ աջակցում են սիրիական ընդդիմությանը։ Նրանց տարածած համատեղ հայտարարությունում ընդգծվում է, որ ՄԱԿ ԳԱ-ն պետք է կատարի խաղաղություն ու անվտանգություն պահպանելու իր պարտավորությունները և դա հատկապես այն ժամանակ, երբ ՄԱԿ ԱԽ-ում չկա տվյալ հարցի շուրջ կոնսենսուս։