Սթիվեն Հոքինգին Հռոմում դուրս են գրել հիվանդանոցից

Բրիտանացի հայտնի ֆիզիկոս Սթիվեն Հոքինգին դուրս են գրել Հռոմի հիվանդանոցից, որտեղ նա հոսպիտալացվել էր մի քանի օր առաջ վատ ինքնազգացողության պատճառով, հայտնում է իտալական ANSA գործակալությունը: Գիտնականին հոսպիտալացրել էին տեղի լավագույն կլինիկաներից Ջեմելիում՝ ելնելով զգուշավորության նատառումներից ու անալիզներ վերցնելու անհրաժեշտությունից։ Բժիշկները կարծում են, որ ֆիզիկոսի առողջական վիճակը բավարար է։ 74-ամյա գիտնականը, որը տառապում է նյարդային համակարգի հիվանդությունից, դեկտեմբերի 1-ին իրեն վատ էր զգացել շնչառական խնդիրների պատճառով: