Ռուսաստան ներմուծվելիք թուրքական ապրանքները պետք է համապատասխանեն չափանիշներին. Լավրով

Ռուսաստանի Դաշնության արտաքին գործերի նախարար Սերգեյ Լավրովն իր թուրք գործընկեր Մևլութ Չավուշօղլուի հետ հանդիպումից հետո կազմակերպված մամուլի ասուլիսի ընթացքում հայտարարել է, որ Թուրքիայի հետ վիզային ռեժիմի չեղարկման համար նախ անհրաժեշտ է լուծել անվտանգության հետ կապված մի շարք հարցեր: Այս մասին գրում է թուրքական «Միլլիյեթ» պարբերականը: Լավրովը նաև հայտնել է, որ թուրքական պարենային ապրանքների Ռուսաստան ներմուծման հետ կապված իրենք ունեն լուծելու մի շարք հարցեր, որոնցից ամենագլխավորը մթերքների սանիտարահիգիենիկ պատշաճ ստուգումն է, և Ռուսաստան ներմուծվելիք թուրքական ապրանքները պետք է համապատասխանեն իրենց կողմից սահմանված որակի չափանիշներին: