Աթենքի սրճարանում պայթյուն է որոտացել, կա զոհ

Հունաստանի մայրաքաղաք Աթենքում սրճարաններից մեկում պայթյուն է տեղի ունեցել, հայտնում է gazeta.ru-ն՝ տեղական լրատվամիջոցներին հղումով:Պայթյունի հետևանքով կին է մահացել՝ սրճարանի աշխատակիցներից մեկը, ում մարմինը հայտնաբերվել է սրճարանի նկուղում։ Տարբեր տեղեկությունների համաձայն՝ 5-6 մարդ վնասվածքներ են ստացել ու հոսպիտալացվել։ Ոստիկանությունը շրջափակել է դեպքի վայրը և պարզում է պատճառները: Նշվում է, որ պայթյունից հետո հրդեհ է սկսվել: Հաղորդվում է, որ իշխանությունները կարծում են՝ պատճառը գազի պայթյունն է եղել: