Թոմ Ֆորդը հրաժարվել է հագուստ կարել Մելանյա Թրամփի համար (տեսանյութ)

Ամերիկյան Tom Ford-ի հիմնադիր և գլխավոր կրեատիվ դիզայներ Թոմ Ֆորդն ասել է, որ որևէ ցանկություն չունի համագործակցելու ԱՄՆ նորընտիր նախագահի կնոջ՝ Մելանյա Թրամփի հետ: Ինչպես նշում է The Daily Mail-ը՝ Թոմ Ֆորդն ասել է, թե իր շորերը թանկ են Մելանյա Թրամփի համար: «Մենք արդեն նոր առաջին տիկին ունենք՝ Մելանյա Թրամփը, որը շատ բարետես է, նրբակազմ: Ձեր ստեղծած հագուստներով նա ցնցող տեսք կունենա: Կցանկանայի՞ք համագործակցել նրա հետ»,- հետաքրքրվել է լրագրողը: Ի պատասխան Ֆորդն ասել է. «Մի քանի տարի առաջ ինձ խնդրեցին հագցնել նրան, սակայն ես հրաժարվեցի: Բացի այն, որ նա չի համապատասխանում իմ ոճին, պետք է ասեմ, որ իմ հագուստները չափազանց թանկ են նրա համար»: