Հալեպի գրավումը միայն կխորացնի քաոսը

The Financial Times-ի սյունակագիր Դևիդ Գարդները  պնդում է ,որ  ռուսական դաժան ռմբակոծիչները ու Իրանի նախաձեռնած մարտավարությունը նշանակում են, որ ապստամբների վերահսկողության տակ գտնվող արևելյան Հալեպը շուտով կգրավվի Բաշար Ասադի կողմից։ Գրեթե 6 տարի տևող պատերազմից հետո դա կարող է վերջ դնել սուննի մեծամասնության պայքարին՝ ընդդեմ Ասադի իշխանության տապալման, սակայն այդ ավերակների վրա չի ստեղծվի ո՛չ կայունություն, ո՛չ խաղաղություն: «2011թ. սկզբին սկսվեց քաղաքացիների ապստամբությունը Ասադի ռեժիմի դեմ, Սիրիայում արտաքին ուժերին չհաջողվեց ապահովել երկրի միասնությունը կամ թեթևացնել ժողովրդի տառապանքները : Սակայն, անգամ եթե այդ արտաքին ուժերը, ներառյալ ԱՄՆ-ն ու Ռուսաստանը, Թուրքիան, Իրանը, Սաուդյան Արաբիան ու Քաթարը, համարեն, որ ժամանակն է մի կողմ դնել տարաձայնություններն ու ջիհադիստների՝ իշխանության գալու սպառնալիքը և աջակցեն չարիքի փոքրագույնին՝ ի դեմս Ասադի ռեժիմի, Սիրիայում և ողջ տարածաշրջանում նրանց լիակատար ձախողման հետևանքները չեն փոխվի րոպեական»,- կարծում է Դևիդ Գարդները։ Մերձավոր Արևելքում արտաքին բազմաթիվ խաղացողներ օգնեցին շշից բաց թողնել արմատական իսլամի ջինը, Ասադի ռեժիմը նույնպես դրան առնչություն ունի։ Երկրում սուննի մեծամասնության վախից նա բանտերից ազատեց հարյուրավոր ջիհադիստների,կարծիք է հայտնում նա և հավելում,որ քանի դեռ Ասադը իշխանության ղեկին է, անգամ որպես Իրանի և ՌԴ-ի հովանավորյալ, դա նախկինի պես խթան է սուննի ապստամբների համար։