Գրեթե 6 հազար խաղաղ բնակիչ է 1օրում լքել Հալեպի արևելյան շրջանները

ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը հայտարարել է,որ  ավելի քան 5.6 հազար խաղաղ բնակիչ, որոնց թվում՝ 2.8 հազար երեխա է հեռացել սիրիացի ապստամբների վերահսկողության տակ գտնվող Հալեպի արևելյան շրջաններից, Սիրիայում Հակամարտող կողմերի հաշտեցման ռուսական կենտրոնի աշխատակիցները օգնություն են ցուցաբերել տարհանման հարցում: Բոլոր խաղաղ բնակիչները տեղակայվել են սիրիական իշխանությունների կողմից պատրաստված մարդասիրական կենտրոններում։ Ռուսական կողմը Ասադի վարչակազմի հետ ապահովել է նրանց պարենի, առաջին անհրաժեշտության իրերի ու դեղամիջոցների մատչումը։