Զարուհին ՄԻՊ թեկնածո՞ւ. արձագանքեց

ԱԺ «Ժառանգություն» խմբակցության պատգամավոր Զարուհի Փաստանջյանը Մարդու իրավունքի պաշտպանի ընտրության հարցում ունի իր դիտարկումները: Պատգամավորը կասկածում է, որ ի վերջո ՄԻՊ-ի պաշտոնը կզբաղեցնի հանրապետական թեկնածուն: Նա գտնում է , որ վերջին փուլում առնվազն երկու թեկնածուների անուններ պետք է շոշոփվեն, որպիսի մրցակցություն ծավալվի: Այս մասին հայտնեց Փոստանջյանը լրագրողների հետ զրույցում: Դիտարկմանը, թե շոշափվում է նաև ՀԱԿ պատգամավոր, նախկին զինդատախազ Գագիկ Ջհանգիրյանի անունը և արդյոք կա հավանականություն, որ վերջինս հաստատվի այդ պաշտոնում Զարուհի Փոստանջյանը արձագանքեց.« Ես այս պահին չեմ կարող պատասխան տրամադրել` ընդդիմությունը թեկնածու կունենա, թե չի ունենա: Բայց այնուամենայնիվ պետք է որ ընդդիմությունը ներկայացնի իր թեկնածուին, որը կլինի իրական այլընտրանք »,-ընդգծեց Փոստանջյանը: Լրագրողի հարցին, թե այդ թեկնածուն կլինի Զարուհի Փոստանջյանը, թե Թևան Պողոսյանը` Փոստանջյանը արձագանքեց.« Ժառանգությունը կներկայացնի իր թեկնածուին: Կխնդրեի շրջանառությունից հանել Թևան Պողոսյանի անունը, քանի որ նա «Ժառանգություն» կուսակցությունից չէ և կապ չունի կուսակցության հետ»: Անդրադառնալով հարցին, որ շրջանառվում են տեղեկություններ, թե Վատիկանի դեսպանը Հայաստանում հարցեր է լուծում և հենց նրա «թեթև» ձեռքով է ՄԻՊ Կարեն Անդրեասյանը հրաժարական տվել Փաստանջյանը ասաց.« Միանշանակ եղել են ճնշումներ, բայց այս առնչությամբ ես չեմ կարող մանրամասներ ներկայացնել»,-եզրափակեց ընդդիմադիր պատգամավորը: Աստղիկ Ավագյան