Սիրիայում եգիպտացի զինծառայողներ չկան. ԱԳՆ

Եգիպտոսի ԱԳՆ-ը կիրակի հերքել է ավելի վաղ արաբական ԶԼՄ-ներում հայտնված տեղեկությունն այն մասին, որ Սիրիայում իբրև թե գտնվում են եգիպտացի զինծառայողներ։ «Այդ շշուկները գոյություն ունեն միայն նրանց պատկերացումներում, ովքեր դրանք արձակում են, նրանց նպատակները հայտնի են։ Եգիպտոսը հավատարիմ է այլ պետություների ներքին գործերին չմիջամտելու սկզբունքին»,-ասվում է տարածված հայտարարությունում։ ԱԳՆ-ը նաև ընդգծել է, որ Եգիպտոսում գոյություն ունեն միանգամայն որոշակի սահմանադրական և օրենսդրական միջոցառումներ, որոնք անհրաժեշտ է ձեռնարկել նույնիսկ մեկ եգիպտացի զինվոր կամ մեկ միավոր տեխնիկա արտերկիր ուղարկելու համար։