Սաակաշվիլին Կիևի կենտրոնում հանրահավաք է անցկացրել
Սաակաշվիլին Կիևի կենտրոնում անցկացրել է Ռադայի արձակման պահանջով առաջին հանրահավաքը։ Այն կազմակերպվել է «Նոր ուժերի շարժման» կողմից, որի առաջնորդ Միխայիլ Սաակաշվիլին ուկրաինական խորհրդարանի արտահերթ ընտրությունների կոչ է արել և ներկայացրել շարժման քաղաքական ծրագիրը։ «Մենք պահանջում ենք անհապաղ նշանակել ընտրություններ՝ նոր օրենքով ու ԿԸՀ-ով և պատգամավորական անձեռնմխելիության չեղարկմամբ»,-հայտարարել է Վրաստանի նախկին նախագահ Միխայիլ Սաակաշվիլին հանրահավաքի ժամանակ։ Հաղորդվում է, որ հանրահավաքին ներկա է եղել մոտ 1000 մարդ։ Սաակաշվիլին անվանել է նաև իր շարժման հիմնական նպատակները՝ անզիջում բարեփոխումներ, զրոյական հանդուրժողականություն կոռուպցիայի հանդեպ, պետապարատի զտում,, հարկերի կտրուկ նվազեցում, հարկային համակարգի դյուրացում, արմատական դատական բարեփոխում, տնտեսության ազատականացում, առողջապահական և կրթական բարեփոխում, երկրում կարգուկանոնի հաստատում։ Սաակաշվիլին կողմ է հանդես գալիս նաև երկրում ուղղահայաց իշխանության ուժեղացմանն ու ապակենտրոնացումից հրաժարվելուն, որին աջակցում է նախագահ Պյոտր Պորոշենկոն։
Հետևեք մեզ Viber-ում
