Վեճեր են սկսվել

ԱՄՆ նորընտիր նախագահ Դոնալդ Թրամփի թիմում կարծիքները կիսվել են պետքարտուղարի պաշտոնում Միթ Ռոմնիի և Նյու Յորքի նախկին քաղաքապետ Ռուդոլֆ Ջուլիանիի թեկնածությունների շուրջ։ Այս մասին հայտնում է «Ամերիկայի ձայնը»։ Ինչպես նշվում է, Թրամփի խորհրդական Քելիեն Քոնուեյը հինգշաբթի արտահայտել է Ռոմնիի դեմ տրամադրված խմբակցության դիրքորոշումը։ Քոնուեյի խոսքով՝ ինքը ստացել է մարդկանց վրդովմունքի տարափ, ովքեր կասկածի տակ են դրել Ռոմնիի (Մասսաչուսեթսի նախկին նահանգապետ) հավատարմությունը։ Նախագահական արշավի ժամանակ Ռոմնին Թրամփին անվանել է «խաբեբա» և «խարդախ»։