«Համախմբումը» միանշանակ մասնակցելու է

Այսօր առավոտյան թերթերից մեկը տեղեկություն էր հրապարակել այն մասին, թե իբր «Համախմբում» կուսակցությունը որոշակի հանգամանքներից ելնելով չի մասնակցելու ԱԺ ընտրություններին։ Հավանական պատճառներից մեկը, թե ինչու՝ ըստ թերթի, «Համախմբումը» չի մասնակցի ընտրություններին հանդիսացել է այն, թե իբր ինչ-որ հարցումների արդյունքում կուսակցությունը քիչ տոկոս է հավաքել, դրա հետ մեկտեղ էլ կուսակցության նախագահ Վարդան Օսկանյանը իբր թե ինչ-որ տեղ ասել է, որ կուսակցությունը այնուամենայնիվ չի մասնակցի ընտրություններին։ Շատ երկար խոսել սրա մասին պետք չէ, պետք է ուղղակի դիտել տեսանյութը, որտեղ թե՛ կուսակցության նախագահ Վարդան Օսկանյանը, և թե՛ կուսակցության խորհրդի համակարգող Անդրանիկ Թևանյանը ասում են, որ «Համախմբումը» մասնակցելու է ԱԺ ընտրություններին։ Սա՝ ըստ էության, պատասխան է նյութի բովանդակությանը։ Իսկ ինչ վերաբերում է ինչ-որ անհայտ հարցումներին, ես կարծում եմ, որ ԱԺ ընտրություններից առաջ ընդդիմությունը պետք է ունենա նաև այլընտրանքային հարցումներ իրականացնող կառույց, և պետք է հրապարակի այդ կառույցի հարցումների իրական արդյունքները, որպեսզի հանրությունը իմանա, թե ինչպիսին է ռեալ պատկերը։ Եթե դա լինի, ոչ մի թերթ չի կարողանա իր ստահոտ լուրերով կեղծիք տարածի։ Ամփոփեմ․ «Համախմբումը» միանշանակ մասնակցելու է 2017-ի ԱԺ ընտրություններին, ինչի մասին առաջին հերթին վկայում է կուսակցության նախագահի դիրքորոշումը, որը նա հրապարակայնորեն արտահայտել է իր վերջին ասուլիսի ժամանակ։ Մնացած խոսակցություններն անիմաստ են։ Արմեն Միքայելյանի ֆեյսբուքյան էջից