Ինչն է եղել Իրանում գնացքների բախման պատճառը

IRNA լրատվական գործակալության փոխանցմամբ՝ Իրանի Դամգան շրջանում երկու գնացքների բախման հետևանքով զոհերի թիվը հասել է 36-ի, իսկ վիրավորների թիվը՝ 100-ի։ Այդ մասին հայտարարել է Իրանի վթարային ծառայությունների կազմակերպության տնօրեն Փիրհոսեին Քուլիվանդը։ Նա չի բացառել, որ զոհերի թիվը կարող է հասնել 40-ի։ Ընդգծվում է, որ նոյեմբերի 25-ին միմյանց են բախվել Սեմնան-Մեշհեդ և Թավրիզ-Մեշհեդ ուղղություններով երթևեկող գնացքները։ Գնացքների բախման պատճառները պաշտոնապես չեն հաղորդվել։ Չի բացառվում, որ դրա պատճառը կարող է եղած լինել տարածաշրջանում -12 աստիճանի ցուրտ եղանակը, ինչը կարող էր հանգեցնել էլեկտրոնային համակարգի խափանման։