Քանյե Ուեսթի վիճակը լուրջ է․TMZ
Ամերիկացի ռեփեր Քանյե Ուեսթի վիճակն ավելի լուրջ է, քան ենթադրվում էր։ Այս մասին հաղորդում է TMZ կայքը։ Պարբերականի տվյալներով՝ ռեփերի մոտ ախտորոշվել է «վատ» հոգեկան վիճակ։ Ուեսթի բժիշկը ոստիկաններին ասել է, որ հիվանդի մոտ ժամանակավոր պսիխոզ էքնի պակասի և հյուծվածության պատճառով։ Աղբյուրի տվյալների համաձայն՝ Ուեսթը տառապում է այնքան լուրջ հոգեբանական խնդիրներից, որ ապահովագրական ընկերությունը պարտավորված կլինի ծածկել բոլոր այն ծախսերը, որոնք երաժիշտը կրել է 21 համերգների չեղարկումից հետո: Արտիստը հիվանդանոցում կմնա առնվազն մինչեւ շաբաթվա վերջը: Այսպիսով՝ Քիմ Քարդաշյանը Երախտագիտության օրն անցկացնելու է հիվանդանոցում, Քանյե Ուեսթի հետ: Հիշեցնենք, որ ռեփերին հիվանդանոց են տեղափոխել իր մարզչի տանը ոչ ադեկվատ պահվածքի պատճառով, ախտորոշումը՝ հյուծում: Քիմ Քարդաշյանը շարունակում է ամուսնու կողքին մնալ: Ի դեպ, երեկ նաեւ հայտնի դարձավ, որ նյարդային խանգարումը Քանյեին կարող է միլիոնավոր դոլարներ բերել: Ինչպես նշվում է՝ Քիմն անընդհատ ամուսնու կողքին է, միայն երեկ ժամանակավորապես տուն է գնացել, իսկ առավոտյան նորից վերադարձել:
Հետևեք մեզ Viber-ում
