Ֆինլանդիան աջակցում է ՌԴ-ի դեմ պատժամիջոցներին
Ռուսաստանի դեմ ԵՄ պատժամիջոցներն անարդյունավետ են, սակայն Հելսինկին աջակցում է դրանց: Reuters-ի հաղորդմամբ՝ այս մասին հայտարարել է Ֆինլանդիայի խորհրդարանի արտաքին քաղաքանության հարցերով հանձնաժողովի նախագահ Մատտի Վանհանենը: Ավելի վաղ հաղորդվում էր, որ ԵՄ-ն, հնարավոր է, ՌԴ-ի դեմ պատժամիջոցները, որոնց ժամկետը սպառվում է 2017 թ. հունվարի 31-ին, երկարաձգի ևս կես տարով: «Այն, որ դրանք անարդյունավետ են, ճիշտ է: Սակայն քանի դեռ դրանք գոյություն ունեն, անհրաժեշտ է հետևել դրանց։ Դա ընդհանուր եվրոպական քաղաքականություն է և մենք աջակցում ենք դրան»,- ասել է նա։
«Իհարկե, մենք հույս ունենք, որ մի օր կտեսնենք պատժամիջոցների վերջը։ Բայց մեզ անհրաժեշտ է Ուկրաինայի հարցով լուծում գտնել»,- հայտարարել է Վանհանենը:
Հետևեք մեզ Viber-ում
