«Չեմ կարծում, թե մենք ազգերի ճարտարապետ պետք է դառնանք». Թրամփ
ԱՄՆ ընտրված նախագահ Դոնալդ Թրամփը հերթական անգամ հայտարարել է, որ Միացյալ Նահանգները չպետք է խառնվի այլ պետությունների գործերին: Այս մասին հայտնում է The New York Times պարբերականը՝ նշելով, որ ընտրված նախագահն այս հայտարարությունն արել է լրագրողների հետ հանդիպման ժամանակ: «Չեմ կարծում, թե մենք ազգերի ճարտարապետ պետք է դառնանք»,- մեջբերել է Թրամփի խոսքերը լրագրող Մեգի Հաբերմանը՝ մեկնաբանելով, որ այդպիսով Թրամփը կհրաժարվի այլ պետությունների վարչակազմերի փոփոխությամբ զբաղվելու ամերիկյան պրակտիկայից: Նշենք, որ ներկայումս Թրամփը ակտիվ հանդիպումներ եւ քննարկումներ է ունենում իր վարչակազմի ձեւավորման համար: Արդեն իսկ որոշ առանցքային պաշտոնյաների անուններ սկսել են շրջանառվել:
Հետևեք մեզ Viber-ում
