Արաբ գործարարն աստղաբաշխական գումար է վճարել մեքենայի համարանիշի համար

Աբու Դաբիում կայացած աճուրդի ժամանակ արաբ գործարար Աբդուլլահ ալ Մեհրին 8 մլն դոլար է վճարել մեքենայի «գոլդ» համարանիշը ձեռք բերելու համար: Ինչպես նշում է Al Arabiya-ն, 32-ամյա գործարարի վճարած գինը մոտ 6 անգամ գերազանցում է նմուշի նախնական արժեքը: Աղբյուրը մանրամասնում է, որ համարանիշը բացառիկ է նրանով, որ դրա վրա կա ընդամենը մի թիվ՝ 1: «Այնքան հուզված եմ, որ 1-ով համարանիշն արդեն իմն է: Դա ուղղակի հրաշալի զգացողություն է, և ես պատրաստ էի այն ստանալու համար վճարել ցանկացած գումար»,- ասել է գործարարը: