Հալեպի արևելքում ոչ մի հիվանդանոց չի գործում
Սիրիայի Հալեպ քաղաքի արևելյան մասում ոչ մի հիվանդանոց չի գործում: Ինչպես հաղորդում է TASS գործակալությունը, այս մասին նոյեմբերի 20-ին հաղորդել են Առողջապահության համաշխարհային կազմակերպությունում։ «Ավելի քան 250 հազար տղամարդիկ, կանայք և երեխաներ, ովքեր ապրում են Արևելյան Հալեպում, այժմ հիվանդանոցային խնամքից օգտվելու հնարավորություն չունեն այն գրոհների հետևանքով, որոնց վերջին շաբաթվա ընթացքում ենթարկվել են մնացած բժշկական հիմնարկությունները»,- նշել են ԱՀԿ-ում:
ՄԱԿ գլխավոր քարտուղար Պան Գի Մունը ևս հայտարարել է, որ Հալեպը մնացել է առանց հիվանդանոցի։ Ինչպես ասել է. «Խաղաղ բնակիչների և քաղաքացիական ենթակառուցվածքների վրա թիրախավորված հարձակումները ռազմական հանցագործություն են»:
Հետևեք մեզ Viber-ում
